Arkadij Strugackij, Boris Strugackij. Lundo ekas sabate./Аркадий Стругацкий, Борис Стругацкий. Понедельник начинается в субботу.
Unu el la plej konataj verkoj de fratoj Strugackij, iĝinta klasikaĵo
Tradukis Mikaelo Bronŝtejn
Pentristo Vjaĉeslav Tje
Moskvo: Impeto, 2006. 232 p.

La jaroj 1960-aj. Programisto Aleksandr Privalov venas en urbeton Solovec, ie en fora sovetunia provinco, eklaboras en stranga scienc-esplora instituto “IESMASO” kiel gvidanto de kalkulfako, programante helpe de mistera maŝino “Aldan-3”. La instituto plenplenas de kreemaj sciencistoj, aŭ kio estas la samo – magiistoj diversgradaj, ja sciencaj inventoj kaj mirakloj ofte ne distingeblas. Strangaj eventoj, kiuj ĉiupaŝe okazas en la urbo kaj la instituto, dekomence incitas la programiston, poste iĝas rutina, ĉiutaga laboro. Fabelo kaj ordinara vivo interplektiĝas. Tumultas tagoj...

Aperinta laŭ la motivoj de la libro en la 1980-aj en Rusio duparta filmo “Sorĉistoj” estas populara ĝis nun.